Bu yaxınlarda xəbərlərdə belə bir şey gördüm.Əslində bu gördüyüm həmişə olub amma mən fərqində olmamışam.Danışmaq istədiyim qadın məhbuslardı.Həyat onları necə də çətin sınaqlara salıb.Onlarında halına yanıram, amma ən çox həbsxanada dünyaya gələn körpələrə acıyıram.Onlar həyatı belə qaranlıq, çarəsiz görürlər.Ağılları kəsməyə başlayanda onlar üçün həyat daha da dözülməz olur.Düzdür, uşaqlı analar üçün şərait var,amma nə olsun.Yolun sonu yenə qaranlıqdı.Ana içəridə əziyyətdədir,övladı çöldə.Belə vəziyyətlərdə kimi ananı qəbul edir,kimisi də həmişəlik həyatından “çıxarır”.
Qadınların çoxu həyat yoldaşını qətlə yetirdiyindən,narkotika alverindən,dələduzluqdan həbsxana həyatına düşür.Qatil damğası yeyir.Demirəm onların tərəfindəyəm.Amma mən düşünürəm ki,bəzisi öz əməlinin nəticəsində ordadı,bəzisi isə böhtandan.Düşünəndə adama necə də çətin gəlir.Bir qadın və əlində dəmir qandallar.Həyat artıq ona qaranlıq,ucsuz-bucaqsız yol kimi görünür.Bir polisin qolunda onun bir biləyi məhkəmə qərar verir və qadın artıq günahlarıyla,çarəsizlikləri ilə baş-başa qalır.Keçmişi,bu günü ,gələcəyi gözünün önündə film lenti kimi canlanır.
Artıq onun üçün hər şey daha çətindi. Çünki arxadan hamı bir söz danışacaq.Çarəsizlik oradadır ki,bütün bu suallara o yox,geridə qoyduqları cavab verecək.Çətinliklə və utanaraq......
İzlədiyim xəbərdə məhbus qadınlardan biri danışırdı ki,”burdan çıxmağıma iki il var.Həyat yoldaşımı qətlə yetirmişəm.Övladımın biri əsgərlikdədir.Biri də apreldə gedəcək.Heç birini yola sala bilmədim......”deyir və ağlayır ,baxanda məndə acıdım.Kimin günahkar olduğunu bilmirəm.Ama qadın deyəndə insan yaraşdırmır.Bu qadına acıyıram amma digər qadına nifrət edirəm “5 yaşında uşağı öldürən ata və bunu adi bir şey kimi qəbul edən “ANA! Budur muqadınlıq.Çox düşündüm o gün. Axı mən qadınlarımızı belə görmək istəmirəm.Daha çox kim günahkardı zaman yoxsa qadın?
Bahar gəlib.Ama içəridən heç bir qadın bunu duymur.Neçə baharlar,neçə qışlar,neçə hüznlər,neçə sevinclər gəlib keçib.O isə burada günlərinin bitməsini sayır.Zaman....zaman ....zaman deyir və gözləyir.Bəzilərimiz “günahkardı,cəzasını çəkməlidir “deyirik.Amma düşünmürük ki,bəs səbəb nədir?
Bilirəm mövzu olduqca ağırdı.Amma görəsən bu zərif cinsin nümayəndələrini vəhşiləşdirən nədir?Kimdir günahkar qadın yoxsa zaman?