Xəyanətin nə fərqi var !?
Həyat necə də qəribə,cavablandırılması çətin olan suallarla doludur.Bəzi insanlar sevgiyə o qədər önəm verir ki, sevdikləri insan (qadın) üçün həyatının bütün axışını dəyişirlər.Bəziləri sevgisi üstə illərlə mübarizə aparır,ya qazanır ya da itirir.Ama bəziləri bu sevgini başa düşə bilmir.Və bir gün eşidirsən ki,sevdiyin ,dəyər verdiyin insan sənə xəyanət edib.Bunu sənə bir başqası dəfələrlə desə də insan inanmaq istəmir.Ama öz gözüylə görəndə yəqin daha çətin olur.Nədir bu insanları bu qədər dəyişdirən.Niyə sevən insana dəyər verməyi bilmirik?Niyə üzən, ağladan insan daha çox sevilir.Ama yolunda can verən,hər şeydən keçən insanın sevgisinə inanılmır.Bu dəfə söz açmaq istədiyim mövzu xəyanətdi!!!
Kişi və ya qadın niyə xəyanət edirlər?Aldatan insan qazanar ya itirər?
İnsanların bir-birini aldatmadıqları dünyada yaşamaq görəsən necə olardı?Məsələ xəyanət olunca ağıla ilk olaraq kişilər gəlir.Çünki onlar bunu daha çox edir.Amma kişini aldatan qadınlarında sayı çox təəssüflər olsun ki, az deyil.Kişilərdə öz həyat yoldaşlarından görmədiyi həyacan qadınlarda isə ümüdsüzlük xəyanətin başlanğıcı deməkdir.Ama çox çirkin bir şeydir ki, bəzi kişilər öz dostlarına nəyisə sübut etmək üçün aldadırlar.
Aldadan qadın çox zaman hər şeydə diqətli olur, xırda bir şeyi bilə gözdən qaçırmır.Amma kişilərdə isə bu tam əksinədir.Diqqətsizdirlər.Göstəricilərə görə xəyanət edən kişi :geyimə önəm verir, özünə baxmağa başlayır,idmanla məşqul olur,ən əsası da telefon əldən düşmür.Amma həmişə həyatında baxımlı olan bir kişi xəyanət edirsə onun üçün aldatmaq daha asan olur.Qadının aldatması üçün ümüdsüz olması bəsdir.Özündən yaşca böyük,sevmədiyi amma varlı bir insanla evli olan və ya birlikdə yaşayan qadınlar,yaşlarına uyğun bir sevgili tapıb xəyanət edirlər.Şiddət görən, çox yalnız qalan,maraq və sevgi görməyən, maddi çətinliklər çəkən qadınların daha çox aldatdıqları deyilir.Ama bu işi zövq üçün edənlər də yox deyil.Amma sayları çox azdır.Yəni qadınlar kişilər kimi rahatlıqla həyat yoldaşını aldatmazlar.Çünki qadınlar vəfalı olur.
Ama indi demək istədiyim bir şey var.Xəyanət deyincə ağıla ilk kişi gəlir.Bir misal da var “ deyirlər kişi xəyanət edib,yəqin evdə nəsə problem var ki, xəyanət edib” ya da “kişidirdə o edə bilər” mən bu sözlərə çox qarşıyam.
Burda yazdıqlarım əsas göstəricilər ümumi statistikalarda göstərilir.
İndi isə öz düşüncəmi sizinlə paylaşıram.Xəyanət edən insan anlamasa da əslində özünü gülünc vəziyyətlərə salır.Hələ bu işin üstü açılınca daha da rəzil bir vəziyyətə düşür insan.Nə gərək var belə bir şeyə?! Həyatdır ,hər an hər şey ola bilər.İnsan ailə qurur düşünmür ki, bir gün boşanacaq və ya nişanlanmır ki, bir gün ayrılsın.Sevmir ki, biri onu aldatsın.Sevir ,nişanlanır ,evlənir ki, xoşbəxt olsun.
Əgər həyatınızda yola çıxdığınız insan sizə artıq qane etmirsə bunu onunla paylaşmalı ,ayrılmaq istədiyini açıq şəkildə bəyan etməlidir.Ona görə ki,nə özü pis vəziyyətə düşsün nə də arxasında qoyduğu insan pis vəziyyətdə qalsın.
Bəs sizlər nə düşünürsünüz niyə insanlar xəyanətə həyatlarında yer verirlər?Belə bir şeyi insan ailəsinə,övladına görə bağışlaya bilərmi?!
XƏBƏR LENTİ
- ŞƏRHLƏR