Yaş salfet
Hər yerdə və hər vəziyyədə həyatımızı qurtaran yaş salfetlər! Hər kəsin çantasında olmalıdır.
Əl kremi
Yayda istidən, qışda da soyuqda quruyan əlləri həm qorumaq, həm də qəşəng iy gəlməsi üçün kiçik əl kremini həmişə çantanızda gəzdirə bilərsiniz.
Saç rezini

Uzun saçlarınız varsa, bu, bəzən sıxıcı ola bilər və saçlarınızı toplamaq istəyə bilərsiniz. Bu səbəblə də saçınızı toplamaq üçün rezin və ya bu işə yarayan digər aksesuarların çantanızda olması faydalı olacaq.
Saqqız və ya nanəli konfet
Gün içində bir çox işin arxasından qaçdıqdan sonra təcili iclas və ya toplantıya girəcəksinizsə, nəfəsinizi təzələməyin ən yaxşı yolu əlinizin altında olmalıdır!

Ayna
Hər bir qadın gün içində necə göründüyü barəsində düşünür və bunu kontrol etmək istəyir. Aynalı şüşələrə və ya mağazadakı vitrinlərdəki əksimizə baxmaq yerinə çantamızdakı mini aynaya baxmaq daha asan olmaz?
Dodaq boyası
Bir qadının çantasında mütləq tapa biləcəyiniz şeylərdən biri də dodaq boyasıdır. Makiyaj edə bilməsəniz belə, bir dodaq boyası da kifayət olur. Yorğun və solğun üzü canlandırır, baxımsızlığınızı gizlədir. Bu səbəblə çantanızda dodaq boyasının olması işinizə yarayacaqdır.

Ağrıkəsici

Gün içində qarşılaşacağınız baş, əzələ və ya mensturasiya ağrısı kimi vəziyyətlərdə əlinizin altında ağrı kəsici olması çox faydalıdır.
Qadın bezi
Çantada bez olması sizi istənməyən vəziyyətlərdən xilas edəcək! Şəxsiyyət vəsiqəsi Hər kəsin yanında saxlamalı olduğu bir sənəddir.
Tibbi maska
Koronavirusla yaşadığımızı unutmamalıyıq. Ona görə də çantanızda mütləq tibbi maska olmalıdır.

Bu metalın faydalı xassələri olmasına baxmayaraq, o, çox mənfi xüsusiyyətlərə malikdir.

Kimlər qızıl taxa bilməz?

Ekstrasens Yelena Yaseviç böyük şəhərlərdə aktiv həyat tərzi yaşayan və tez-tez stress keçirən insanlara qızıl zinət əşyaları taxmağı tövsiyə etmir. Bu kateqoriyadan olan insanlara qızıl mənfi təsir göstərir. Onun sözlərinə görə, qızıl-zinət əşyaları belə insanlar üçün əlavə qıcıqlandırcı rolunu oynayır. Belə çıxır ki, qızıl stress və xarici amillərin mənfi təsirini ancaq artırır. Sinir sistemi bundan əziyyət çəkir ki, nəticədə, uzunsürən depressiyaya, əsəbi və gərginliyə səbəb olur.

Yelena Yaseviç həyatı mənfi emosiyalar və gərginliklə dolu olmayan insanların isə qızıl-zinət əşyaları taxmaqda heç bir problem olmadığını iddia edib: "Qızıl kifayət qədər sakit və düzgün həyat yaşayan insanlara güc verir və yalnız uğura cəlb edir".

Gümüş və qızılı niyə eyni anda taxmaq olmaz?

Bəzək həvəskarları gümüşlə qızılı qarışdırmaqla böyük bir səhvə yol verir. Yelena Yaseviçin sözlərinə görə, bəzək əşyalarının həddindən artıq bolluğu və enerjisi mənfi nəticələrə gətirib çıxarır.

Qızıl güc-qüdrət gətirir və enerjini yaxşılaşdırır. Bu, istək, arzu və tələblərı reallaşdırmağa kömək edir. Gümüş isə əksinə, insanı daha təmkinli, sakit və ahəngdar edir. Əgər bu iki metal birləşərsə, onda ixtilaf baş verir. İnsanda iki əks enerjinin qarışması tam xaosa gətirib çıxarır. Odur ki, gümüşlə qızılı eyni vaxta taxmaq qəti olmaz, çünki bu, əhval-ruhiyyənin tez-tez dəyişməsinə, hətta müxtəlif xəstəliklərə və işlərinizdə uğursuzluqlara gətirib çıxara bilər.

Bəzək seçiminə diqqətli yanaşmağa çalışın, çünki onlar həm müsbət, həm də mənfi enerjini özündə daşıya bilər. Yekun olaraq bütün xanımlara öz təbiətə və həyat tərzinə uyğun bəzək əşyaları seçməyi tövsiyə edirik. Onda onlar sizə mütləq uğur və xoşbəxtlik bəxş edəcək.

Zinət əşyaları müntəzəm taxıldıqda onların görünüşü korlana bilər. Onları çirkdən və zədələrdən qorumaq üçün hər bir ev işlərini görərkən və həmçinin kosmetik vasitələrdən (krem, losyon, ətir və s.) istifadə edərkən mütləq çıxartmaq lazımdır. Çünki möhkəm zərbə və ya kimyəvi vasitələr hətta ən möhkəm zinət daşlarını belə zədələyə bilər. Çalışın bahalı zinət əşyalarını ancaq xüsusi günlərdə taxasınız. Adi günlərdə isə gümüş əşyaları və ya bijuteriya taxa bilərsiniz. Yeri gəlmişkən, onlar bəzən gözəllikdə bahalı zinət əşyalarından çox az fərqlənirlər.

Zinət əşyalarınızın öz gözəlliyi və parıltısı ilə sizi hər zaman sevindirməsini istəyirsinizsə, onlara düzgün qulluq edin.

Zinət əşyalarını vaxtaşırı olaraq təmizləmək lazımdır. Əgər qızıldan olan zinət əşyalarının rəngi tutqunlaşıbsa, parıltısını bərpa etmək üçün onları naşatır spirti qatılmış (1 stəkan suya 1/2 çay qaşığı naşatır spirti) sabunlu suda, sonra təmiz suda yuyun və yumşaq parça ilə yaxşı silin. Qızıl kulon, zəncir, sırğa, üzükləri və s. təzələmək və parıltını qaytarmaq üçün onları şəkər tozu (1 çay qaşığı şəkər tozu + 1 stəkan su) qatılmış suda 2-3 saat saxlayın, sonra isə yumşaq parça ilə silin.

Qiymətli daşlarla olan zinət əşyalarını spirt ilə təmizləmirlər. Ev şəraitində onları yumşaq diş şotkası ilə ilıq sabunlu suda təmizləmək kifayətdir. Bu üsulla tez-tez taxılan hər bir zinət əşyası 2-3 ayda bir dəfə təmizlənməlidir. Daha ciddi təmizləmə üçün zərgərlərə müraciət etmək lazımdır.

Yağı özünə çəkmək xüsusiyyətinə malik olan brillyant daşları çox tez çirklənirlər. Zinət əşyaların sahibləri bəzən heç hiss etmirlər ki, qiymətli daş artıq parıldamır. Zinət daşları arasında ən «yumşaq» olan zumrüd daşları çox asan çatlayırlar. Ona görə onları ancaq əl ilə təmizləmək olar (heç bir xüsusi vasitələr istifadə olunmadan).

Mirvarilərə də xüsusi qulluq lazımdır. Bu çox incə daşdır. Mirvariləri başqa zinət əşyalarından ayrı saxlamaq lazımdır. Digər zinət daşları toxunduqda mirvarilər cızıla və tutqunlaşa bilər. Mirvari taxılan sap tez çirklənir və onu hərdənbir dəyişdirmək məsləhət görülür. İstənilən kimyəvi maddələr – ətirlər, krem, məişət kimyəvi vəsitələri – mirvariləri korlaya bilər. Mirvariləri sabun və bir qədər duz qatılmış suda yumaq olar. Uzun müddət taxılmayan mirvarilər korlanır, rəngi tutqunlaşır. Bu daşların uzun müddət parlaq və gözəl qalmasını istəyirsinizsə onları tez-tez taxın.

Rəngi qaralmış gümüş sırğa, zəncir, üzük, qolbaqları ilıq sabunlu suda yuyub naşatır spirti əlavə olunmuş diş tozu və ya təbaşir ilə təmizləyirlər. Az çirklənmiş gümüş əşyaları ilıq sabunlu suda və ya soda qatılmış (1 xörək q. + 1/2 l su) ilıq suda yuyub, sonra təmiz su ilə yaxalamaq kifayətdir

Qızıl suyuna salınmış əşyaları heç bir pasta vasitəsi ilə təmizləmək olmaz.

Ən çox hansını bəyəndiniz?

Havaların soyuması ilə qarderobda uzun qollu geyimlərin görünməsi təbii haldır. Lakin heç bir aksessuarsız bu cür geyimlər darıxdırıcı görünür, bir az bər-bəzək tələb edir. Moda blogerləri və stilistlər bu mövsüm sviter və ya bluzun üstünə bilərzik taxmağı təklif edirlər.

Bilərzikləri bu şəkildə taxmaq mövsüm trendlərindən biridir. Neytral rənglərlə həmcli qızılı bilərziklərin tandemi daha yaxşı görünür. İncə zəncirlər isə manjetin üstündə itəcək. Qolları qırışdırmamaq üçün biləyinizi çox qatlı bəzək əşyaları ilə həddindən artıq yükləməyə gərək yoxdur, sadəcə biri kifayət edər.

Aytən Məftun (publika.az)