Qarabaşaq - 1 stəkan
Su - 2 stəkan
Kərə yağı - 1/2 ç.q.
Qarabaşaq təmizlənir,yuyulur,bir qədər qurudulur.Sonra tavada orta atəşdə qızılı rəngə dönüşənədək qovrulur.
Qovuran zaman qarabaşaq qarışdırılmalıdır.
Qazanda kərə yağı əridilir,duz və qovrulmuş qarabaşaq əlavə olunur.Digər trəfdən 2 stəkan su çaydanda qaynadılır.
Qarabaşaq yağda bir qədər də qovrulduqdan sonra üzərinə qaynanmış su əlavə olunur və atəş minumuma azaldılır.
Qazanın qapağı örtülür və 15-20 dəqiqə bişir.r
Qarabaşaq sıyığının hazır halı:
Xanımlar, qarabaşaq sıyığı hazırdır,bəs onu baldan şirin uşaqlarımıza necə təqdim edək?
Aşağıdakı üsulla uşağınızın yeməyini əyləncəyə çevirin:
Qarabaşaq sıyığı bir boşqaba alınır və ona pişik başı forması verilir.
Kolbasa dilimlərindən ( zövqə görə ət dilimləri də ola bilər) 2 dairə və 2 üçbucaqlı kəsilir.
Üçbucaqlar "pişiyin" qulaqları,dairələr yanaqları olur.Qara zeytundan burun düzəldilir.
Pendirdən(yaşıl gözlü olmasını istəyirsinizsə,xiyardan da ola bilər) 2 kiçik dairə kəsilir və
pişiyin gözünün ağları,zeytundan kəsilmiş uzun parçalar isə göz qarası olur.
Qırmızı bolqar bibərindən və ya pomidordan dil düzəldilir,şüyüddən kirpiklər,yaşıl soğandan bığlar... 
Beləliklə yaraşıqlı "pişik" hazır oldu 
Nuş olsun şirin balalara! 