Omeqa-3 yağlı turşular uşaq aqressiyası ilə mübarizə etməyə kömək edəcək. Balıq və digər dəniz məhsulları bu turşularla xüsusilə zəngindir.
Həmçinin Omeqa-3 yağlı turşular qozda, araxisdə, balqabaq tumlarında küncüt və kətan yağında, ispanaqda, yumurtada və bəzi digər məhsullarda da var.
Pensilvaniya Universiteti (ABŞ) alimləri yarım il ərzində 2 qrup yeniyetmələrə nəzarət edirdilər.
Bir qrup uşaqların rasionuna Omeqa-3 yağlı turşularla zəngin olan qidalar daxil edilirdi, digər qrup uşaqların rasionunda heç bir dəyişiklik edilmirdi. Nəticədə məlum olub ki, Omeqa-3 yağlı turşularla zəngin olan rasion uşaqlarda aqressiyanın xeyli azalmasına kömək edib.