Tərkibi:
Biskivit üçün:
yumurta - 6 ədəd
şəkər tozu - 2/3 stəkan
un - 3/5 stəkan
kakao - 2 xörək qaşığı
soyuq su - 2 xörək qaşığı
qabartma tozu - 1 çay qaşığı
vanil - 1 paket
Krem üçün:
südlü şokolad - 300 q
qaymaq - 2 stəkan
şəkər pudrası - 1 xörək qaşığı
Hazırlanması:
Yumurtalar və şəkər mikserlə ağarana kimi çalınır.
Mən miqdarları yarıya bölərək, iki biskivit hazırladım.
Sonra kakao, un, vanil, su və qabartma tozunu əlavə edərək, qaşıq və ya qarışdırıcı ilə yavaş-yavaş qarışdırırq.
Hamısı qarışdıqdan sonra yağlanmış biskivit qabının içərisinə xəmirimizi tökürük, 180 dərəcədə, qalxıb üzəri azca qızaranadək bişiririk.
Kremi hazırlamaq üçün isə qaymağı bir az isidirik, şəkər pudrasını və şokoladları da doğrayıb üzərinə əlavə edib, qarışdırırıq.
Tam əriyib qarışdıqdan sonra soyuducuya qoyuruq, krem halına düşənədək bərkiməsini gözləyirik.
Biskiviti hazırdır, ortadan kəsərək iki hissəyə ayırırıq.
Üzərinə kremi çəkirik, digər biskiviti üstünə qoyub hər tərəfini kremləyirik.
Üzərini kakao, kakos, çərəz ovuntuları, digər xırdalanmış bəzək şirniyyatları ilə və ya ürəyiniz necə istəyirsə elə də bəzəyə bilərsiniz.
Mən kakao səpdim və hazırladığım sadə truffleləri düzdüm.
Truffle tortumuz artıq hazırdır.
Nuş olsun!
P.S. Tort bütün tortlarda olduğu kimi 5-6 saat soyuducuda qaldıqdan sonra dadlı və kakaosu hər tərəfinə tam çökdüyündən daha gözəl görünür.
Və çox tünd olub, narahat etməməsi üçün südlü kakaodan istifadə etmək olar.