Tərkibi:
"Best Cow" kərə yağı- 250 q
Şəkər tozu- 200 q
Un- 200 q
Qabartma tozu- 2 ədəd
Süd- 4 x.q
Kakao- 3 x.q
Yumurta- 4 ədəd
İçlik:
Kakos- 200 q
Manna- 6 x.q
Süd- 0,5 stəkan
"Best Cow" kərə yağı- 200 q
Şəkər tozu- 200 q
Qlazur:
Südlü şokolad- 200 q
"Best Cow" kərə yağı- 20-30 q
Hazırlanması:
Yumurtanı şəkər tozu ilə çalırıq. Unu və qabartma tozunu əlavə edib yenə çalırıq. Kərə yağını yumşaldıb üzərinə əlavə edirik.
Kakaonu da əlavə edib qarışdırırıq. Südü əlavə edirik.
160-180 dərəcədə 40 dəqiqə bişiririk. Biskivitimiz bişənə qədər içliyimizi hazırlayırıq. Südü isidirik. Mannanı yavaş-yavaş əlavə edirik. Bu zaman dayanmadan qarışdırmaq lazımdır.
10 dəqiə bişdikdən sonra oddan götürürük. Bir az soyuduqdan sonra iki yerə bölüb bir hissəsinin üzərinə kakos əlavə edib yaxşı-yaxşı qarışdırırıq.
Yumşaldılmış kərə yağını şəkər tozu ilə qarışdırıb ikinci hissəyə əlavə edirik. İkinci hissəni(kərə yağı ilə hazırladığımızı) soyuducuya qoyuruq.
Biskivitimiz soyuduqdan sonra iki hissəyə ayırırıq.
Kakosla hazıradığımız içliyi çəkirik biskivitin üzərinə. Sonra 2-ci biskiviti onun üzərinə yerləşdirib o biri içliyi də üzərinə çəkirik. Üzərinə isə südlü şokoladı su hamamaında əridib kərə yağı əlavə edirik. Bir az soyuduqdan sonra üzərinə əlavə edib hər tərəfinə yayırıq. Üzərini kakosla bəzəyirik. Sonra soyuducuda ən az bir gecə saxlamaq lazımdır.
Baunti tortumuz hazırdır.
Nuş olsun!