İki biskvitin arasını istədiyimiz kremdən istifadə edərək adi qaydada tortu yığırıq. Kremin bərkiməsi üçün 1 saatlıq soyuq yerə qoyuruq.
Aşağıda göstərilən sxemə uyğun olaraq çöplə tortun üzərində cızıqlar çəkirik.
Başı çəkmək üçün hər hansı qabdan (məsələn kasadan) istifadə etmək olar.
Sxemdə qırmızı nöqtələrlə işarələdiyim yerlərdən iti bıçaqla kəsirik.
Sxemdə qeyd olunan qulaq hissələri başın üzərində yerləşdiririk.
Şəkildə yaşıl rənglə qeyd etdiyim hissədən həm ayaq kəsirik, həm də arzuya görə dovşanın yanında ürək, gül, şar, yaşa uyğun rəqəm (əgər doğum günü tortudursa) və s. kəsmək olar. Dövşanın gözlərini, ağzını və burnunu da çöplə cızırıq.
Perqament kağızından hazırladığımız kiçik torbalara müxtəlif rəngli kremlər dolduraraq başlayırıq tortu bəzəməyə.
"Qızcığaz dovşan" tortumuz hazırdır. 
