Ərzaqlar:
Biskvit:
Biskvit üçün hər hansı kakaolu və ya şokoladlı biskvit
Krem:
300 q "Möcüzə" paket yağı
1 banka qaynadılmış, kakaolu qatılaşdırılmış süd (kakaolu qatılaşdırılmış südü 1 saat suyun içində qaynadın.)
Vanilin
Biskviti islatmaq üçün:
Ərik cemi
Arasına səpmək və bəzək üçün:
Qara şokolad
Şəkərləndirilmiş ananas
Hazırlanması:
Əvvəlcə kremi hazırlayırıq. Otaq temperaturunda yumşalmış kərə yağını köpüklü kütlə alınana qədər mikserlə çaldıqdan sonra az-az qatılaşdırılmış südü əlavə edərək kremi hazırlayırıq.
Üç yerə böldüyümüz biskvitin birinci qatını qızdırılmış ərik cemi ilə yaxçıca isladırıq.
Kremi biskvitə yedirdərək çəkirik.
Üzərinə qara şokoladı və şəkərləndirilmiş ananası sürtkəcin iri gözündən keçirərək səpirik.
O biri biskvit qatlarında da eyni əməliyyatı edirik. Sonuncu qata şokolad və ananas səpmirik. Keçirik tortun bəzədilməsinə. Biskvit ovuntusu ilə tortun hər tərəfini örtürük. Üzərini ananas və dekorativ şokoladla bəzəyirik.
Daha sonra ehtiyyatla şokoladı folqadan ayırırıq. Şokoladı zövqümüzə uyğun şəkildə qıraraq tortun üzərinə yerləşdiririk.
Nuş olsun!