Tərkibi:
Xəmir üçün:
4 ədəd yumurtanın sarısı
60 q şəkər tozu
60 q ələnmiş un
Sufle:
8 q aqar aqar
140 ml su
400 q şəkər tozu
200 q "Möcüzə" paket yağı
100 q qatılaşdırılmış süd
2 ədəd yumurtanın ağı
Üzəri üçün
150 q tünd şokolad
Hazirlanması:
Əvvəlcə aqar suya qoyulur, bir saat suda qalmalıdır.
Yumurta sarısı şəkər tozu ilə çalınır (ağarana qədər). Üzərinə un əlavə edib qarışdırılır.
Yağlanmış formaya əlavə edilib hazır olana qədər sobada bişirilir. 180 dərəcə isidilmiş sobada 15 dəqiqə ərzində bişir.
Kremi hazırlamaq üçün əvvəlcə qatılaşdırılmış süd və yağ yaxşıca çalınır.
Vam odda aqarı qarışdıra-qarışdıra qaynadın ki, ərisin.
Qalan şəkəri də əlavə edin, qarışdırın və soyusun. İndi isə mikserlə yumurtanın ağlarını köpüklənənədək çalırıq.
Tam hazır beze olanda üzərinə soyumuş (və ya iliq halda) olan aqarı əlavə edin və yenə də çalın. Sonra çalınmış yağı əlavə edərək yenə yaxşıça qarışdırırıq.
Amma bu dəfə mikserin gücünü bir az azaldın. Biskviti kənarları bağlı bir qaba qoyuruq.
Biskvitin üzərinə hazırladığımız sufleni əlavə edirik. Tortumuz hələ ki, hazır deyil. Onu ən az 2 saat soyuducuda saxlayırıq.
Şokoladı su buxarında əridin. Üzərinə ərinmiş şokolad əlavə edin.
Bir müddət soyuducuda saxlayırıq. Perqament kağızını konus şəklində büküb ucunu nazik kəsərək tortun üzərinə istədiyimiz naxışı vururuq. Soyuducuda bir müddət saxlayıb servis edirik.
Nuş olsun! 