Tərkibi:
12 yumurta
2 stəkan şəkər tozu
2 stəkan un
2 paket xəmir qabartma tozu
2 paket vanil
2 xörək qaşığı kakao
Krem üçün:
2 ədəd qatlaşdırılmış süd
500 qr "Wellington" kərə yağı
Vanil
Bəzək üçün rəngli karandaş, nabat
Qlazur üçün:
1,5 st süd
1 xörək qaşığı un
50 qr "Wellington" kərə yağı
1 st şəkər tozu
Hamısını yapışmayan bir tavada qatışdırıb vam xodda qatılaşana qədər bişiririk.
Əvvəlcə 12 yumurtanı ağını-sarısından ayırırıq.
Yumurtanın ağına 1 çimdik duz qatıb mikserlə ağaranadək çırpırıq.
Üzərinə 2 stəkan şəkər tozunu az-az əlavə edərək yenidən çalırıq.
Qarışığa yumurta sarısını əlavə edib yenidən mikserlə çalırıq.
Kənarda 2 stəkan unu ələkdən 2 dəfə keçirib üzərinə 2 paket qabartma tozu, 1 ədəd vanil qatıb qaşıqla qarışdırırıq.
Və qarışığa əlavə edib taxta qaşıqla qarışdırırıq.
Kütləni tam yarıya bölün, təxminən bu həcmdə. Qazana karka kağızı sərib qarışığı əlavə edirik.
Qalan hissəsinə isə 2-3 xörək qaşığı kakao əlavə edib onu da eyni qaydada qazana tökürük, vam odda sobanın üzərində bişiririk. Qazanın qapağını dəsmalla örtürük ki hava keçməsin. 30 dəq. ağzını açmırıq. 30 dəq. sonra çöp batırıb baxırıq, bişməsə yenidən 15-20 dəq. bişiririk.
Biskvitlərimiz hazır olduqdan sonra soyuduruq.
Kremimizi hazırlayırıq.
Qlazurumuzu hazırlayıb soyuduruq.
Biskvitlərimizin hər birini ortadan 2 yerə bölüb kremləyirik, aralarına qoz əlavə edirik, soyudulmuş qlazuru tortumuzun üzərinə yaxırıq, üzərini kremlə bəzəyirik, karandaşla üzərinə rəngarəng naxışlar qoyuruq. Mən nabatlardan da istifadə etmişəm.