Tərkibi:
6 yumurta
1,25 st. şəkər tozu
1 paket vanil
1 paket kakao (zövqə görə)
2-3 xörək qaşığı su
1,25 st. un
Krem üçün:
250 qr. yağ
1 banka qatılaşdırılmış süd
1 paket vanil
Şokolad qlazuru üçün:
3 x.q. kakao
1 st. şəkər tozu
1 st. süd
2 x.q. un
50 qr. yağ
Hazırlanması:
Yumurtaların ağını sarısından ayırırıq. Sarıları bir kənara qoyub, yumurtanın ağını bərkiyənə qədər çalırıq (mikserlə). Daha sonra şəkər tozunu əlavə edib çalırıq.
Yumurtanın sarılarını bir-bir əlavə edib, mikserin asta rejimində çox az çalırıq.
Unu, vanili, kakaonu ələkdən keçirib, bizeyə əlavə edirik. Çırpıcı vasitəsilə astaca qarışdırırıq.Ən sonda da suyu əlavə edib qarışdırırıq.
Biskvit bişirdiyimiz tavanın içinə yağlı kağız qoyuruq. İçinə xəmiri əlavə edib, bişməsi üçün 180 dərəcədə əvvəlcədən qızdırılmış sobaya qoyuruq. Təxminən 40-45 dəqiqəyə bişir.
Biskvit hazırdır.
Biskvit soyuyana qədər kremi hazırlayaq: Otaq temperaturunda yumşaldılmış yağı qatılaşdırılmış südlə çalırıq. Vanili də əlavə edirik. Kremimiz hazırdır.
Birinci hissəni kremləyirik.
Üstünə doğranılmış qoz əlavə edib, ikinci hissəni də üstünə qoyuruq.
Qlazur üçün lazım olan ərzaqları bir qaba əlavə edib, qarışdıra-qarışdıra vam odda bişiririk.Şəkər tozu əriyəndən sonra yağı da əlavə edirik.
Şokolad qlazurumuz soyuduqdan sonra tortumuzun üstünə əlavə edirik.
İstədiyimiz kimi tortumuzu bəzəyirik.
Nuş olsun!
"Zaxer" tortu (istifadəçi: a.angel)
Lazım olan ərzaqlar:
200 q yağ
200 q şəkər
200 q un
5 yumurta
150 q şokolad
Qabartma tozu
Vanil
Qlazur üçün:
2 qaşıq şəkər tozu
Azca su
100 q şokolad
Qrilyaj üçün:
Findiq və şəkər
Arası üçün:
Şaftalı cemi
Hazırlanması:
Əvvəlcə yumşalmış yağla şəkəri yaxşıca çalırıq. Sonra ardıcıllıqla
üzərinə yumurtanın sarısını,
əridilmiş şokoladı,
əvvəlcədən çalınmış yumurtanın ağını əlavə edirik.
Sonra unu,qabartma tozunu və vanili də əlavə edib qarışdırırıq.
Xəmiri əvvəlcədən isidilmiş və yağlanmış tavaya tökub isidilmiş sobaya qoyub,bişiririk. Biskivit hazırdır, soyumasını gözləyək.
Soyumuş biskvitin arasını iti bıçaqla açib, cemi hər iki üzünə çəkirik.
Biskvitin cemlənmiş üzünü birləşdiririk.
İndi isə qlazuru hazırlayaq.
Tavaya su və şəkəri tökub qaza qoyuruq. Su qaynayandan sonra şokoladı içinə atıb əridirik.
yaxşıca qarışdırıb, tortun ustunə tökürük.
Qriliyaj üçün qabığı təmizlənmiş fındığı şəkərlə birlikdə ocağa qoyub qarışdırırıq.
Fındığın rəngi dəyişir.
Hazır fındığı üç-üç ayırıb tortun qırağına və ortasına qoyuruq.
Mən ortasına fındıq qoymadım, çünki tortu qızımın ad gününə bişirmişdim. Ortasına ad yazıb,tort bəzəkləri ilə bəzədim.
Tortumuz hazırdır.
Nuş olsun!