Tərkibi:
2 su st ilıq su
5 su st un
1 ç/q toz şəkər
1 paket instant maya (10 qram)
1 çimdik duz
yarım su st zeytun yağı
İçlik üçün:
150 qram zeytun
100 qram qoz
xəmiri açmaq üçün:
1 çay st zeytun yağı
üstü üçün:
yumurta sarısı
Hazırlanması:
2 su stəkanı ilıq suya mayanı və şəkəri əlavə edərək qarışdırın. Mayanın aktiv hala gəlməsi üçün 10 dəqiqə gözləyin. (Maya köpürəcək)
Unu dərin qaba əlavə edin, ortasını açın, maya ilə qarışdırdığınız suyu, zeytun yağını və 1 çimdik duz əlavə edib yumşaq xəmir yoğurun. (Xəmir çox yapışqandırsa, yarım su st unu əlavə edə bilərsiniz.
Yoğurduğunuz xəmirin üstünü bağlayaraq 30-45 dəqiqə dincəldin.
Zeytunun çəyirdəklərini çıxarın və qozu doğrayın.
3 qatına çıxan xəmiri 3 hissəyə bölün. Yağladığınız yuxa yayana ilk parçanı qoyub üstünə biraz zeytun yağı çəkin və oxlo ilə açın.
Açdığınız xəmirin üstünə qoz və zeytun səpərək rulet kimi burun. Bərabər formada kəsin.
Soba listinə yan-yana düzün.
Xəmirin üstünü örtərək 15 dəqiqə saxlayın.
Sobaya vermədən əvvəl yumurta sarısını fırça köməyi ilə ruletlərin üstünə çəkin. 180 dərəcədə əvvəlcədən isidilmiş sobada qızarana qədər bişirin.