Tərkibi:
Xəmir üçün:
2,5 st. un
2 ç.q şəkər tozu
125 q soyuq “Möcüzə” paket yağı
6-8 y.q buzlu su
½ ç.q duz
½ ç.q qabartma tozu
Yumurta sarısı (piroqun üzəri üçün)
İçlik üçün:
700 q alma
100 q qəhvəyi şəkər tozu
1 ç.q darçın
¾ st. qara qarağat
Hazırlanması:
Əvvəlcə xəmiri hazırlayın. Ələnmiş unun üzərinə qabartma tozu, duz və şəkər tozunu əlavə edin. Sonra onun üzərinə kub şəklində doğranmış yağı əlavə edin və qarışdırın. Qarışımın üzərinə 4 yemək qaşığı buzlu su əlavə edib qarışdırın. Ehtiyac olda yerdə qalan suyu da əlavə edin. Xəmiri yumrulayın və qida klokuna bükün. Sonra isə 30 dəqiqə soyuducuda saxlayın.
Xəmiri soyuducudan götürəndən sonra iki yerə bölün. Hissələrdən biri böyük olsun, digəri isə balaca. Böyük hissəyə dairəvi forma verin və yağlanmış qaba qoyun. Sorna isə onu qabla birlikdə soyuducuya qoyun. Artıq içliyi hazırlaya bilərsiniz.
Almaları yuyun, qurudun və təmizləyin. Sonra isə orta ölçülü hissələrə kəsin. İstənilən hissələrə kəsə bilərsiniz. Almanın üzərinə qara qarağatı, qəhvəyi şəkər tozunu əlavə edib qarışdırın.
Hazırlanmış içliyi soyuducuya qoyduğunuz xəmirin üzərinə tökün.
Kənarda saxladığınız kiçik xəmirdən isə yarpaq formaları kəsin.
Əslində istədiyiniz formaları kəsə bilərsiniz. Bu artıq sizin öz zövqünüz və bacarığınıza qalmış bir haldır.
Xəmirdən kəsdiyiniz hissələri içliyin üzərinə düzün və üzərinə yumurta çəkin. Piroq 1800C-də 40-45 dəqiqəyə hazır olur.
Nuş olsun!
(Tərcümə edilib)