Tərkibi:
Xəmir üçün:
4 ədəd yumurta
1 stəkan şəkər tozu
1 stəkan portağal suyu
2 çay qaşığı portağal qabığı (rəndələnmiş)
2,5 stəkan un
2 çay qaşığı qabartma tozu
Şərbət üçün:
1 stəkan portağal suyu
4/3 stəkan şəkər tozu
4 çay qaşığı portağal qabığı (rəndələnmiş)
Hazırlanması:
Yumurtaların ağ və sarılarını ayırıb başqa qablarda qoyun.
1 stəkan şəkər tozunu yumurta sarılarına əlavə edib qarışdırın.
2 çay qaşığı rəndələnmiş portağal qabığını və 1 stəkan portağal suyunu yumurtalara əlavə edin.
Unu və qabartma tozunu da əlavə edin.
2-3 dəqiqə mikser ilə çırpın.
Yumurta ağlarını ağarana qədər mikser ilə yüksək dövrədə çırpın.
Ağ rəngdə olan yumurta ağını xəmirə əlavə edin.
Yumurta ağlarını əlavə etdikdən sonra qaşıqla qarışdırın (həddindən artıq qarışdıraraq yumurta ağlarını çox söndürməyin).
Qəlibi yağlayıb azca unlayın və hazırladığınız keksi qəlibə boşaldın.
Əvvəlcədən 180 dərəcə isidilmiş sobada 30 dəqiqə bişirin, bişən keksi soyudun.
Şərbət üçün şəkər tozunu bir qazana əlavə edin.
1 stəkan portağal suyu və 4 çay qaşığı rəndələnmiş portağal qabığını 5 dəqiqə qaynadın.
Şərbəti soyutduğunuz keksin üzərinə yavaş-yavaş tökün, keks soyuq şərbət isti olmalıdır.
Dilimləyib süfrəyə verə bilərsiniz.
Nuş olsun.