Tərkibi:
Xəmir üçün:
200 q un
115 q soyuq "Wellington" kərə yağı
1/4 ç/q duz
Bir çimdik şəkər tozu
2 x/q soyuq su
Krem üçün:
3 böyük yumurtanın sarısı
60 q şəkər tozu
40 q un
250 ml süd
50 q "Wellington" kərə yağı
1 ç/q vanil essensiyası
40 q ağ şokolad
Üzəri üçün:
400 q çiyələk
1 paket zövqə görə jele (sadəsi olsa yaxşı olar)
Hazırlanması:
Əvvəlcə xəmir üçün lazım olan ərzaqları qarışdırıb xəmir yoğurun. Xəmiri çox yoğurmayın ki, yağ əriməsin. Sonra onu qida sellofanına büküb 30-40 dəqiqəlik soyuducuya qoyun.
Sonra isə kremi hazırlayın. Yumurta sarıları ilə şəkər tozunu ağarana qədər çırpın. Üzərinə un əlavə edərək yenidən çırpın. Südü qaynadın. Qaynar südü yumurtalı qarışıma asta-asta qarışdıraraq əlavə edin. Sonra isə onu orta odlu qaza qoyun. Krem şəkildəki qatılığa gələnəcən çırpma teli ilə dayanmadan qarışdırın.
Xəmiri soyuducudan götürün. Piroqu bişirəcəyiniz qaba qoyun və əlinizlə onu həmin qaba yayın. Qabdan kənara çıxan xəmir hissələrini kəsərək ayırın.
Sonra isə xəmirin üzərinə folqa qoyun. Folqanın da üzərindən ya lobya, ya noxud, ya da düyü qoyun.
180 dərəcəli sobada 10 dəqiqə bişirin. Sonra sobadan götürün və üzərinə qoyduğunuz folqanı üzərindəki ilə birlikdə xəmirdən ayırın. Bundan sonra xəmiri yenidən sobaya qoyun və yenə 10 dəqiqə bişirin. Sonra isə sobadan çıxardın və qoyun soyusun.
Çiyələkləri şəkildəki kimi 4 hissəyə ayırın.
Xəmirin üzərinə kremi bərabər olmaqla yayın.
Sonra isə çiyələkləri piroqun üzərinə düzüb jele əlavə edin. Piroq süfrəyə verilməzdən bir neçə saat əvvəl soyuducuda qalsa, daha yaxşı olar.
Nuş olsun!