Tərkibi:
Xəmir üçün:
1 kilo manna yarması
1 stəkan şəkər
Yarım stəkan su
1 paket vanil
1 paket qabartma tozu
1 çay qaşığı soda
1 kasa yerfındığı
Şərbəti üçün
6 stəkan şəkər
4 stəkan su
Yarım limonun suyu
Qabı islatmaq üçün:
Yarım stəkan bəkməz
Hazırlanması:
Qaba manna yarmasını boşaldırıq.
İçinə 1 stəkan toz şəkər, 1 paket vanil, 1 paket qabartma tozu, 1 çay qaşığı soda, yarım stəkan su əlavə edib yoğurmağa başlayırıq.
Xəmir olana qədər yoğurmalıyıq, ancaq çox yoğurmalıyıq, ən incə məqamı da budur. Şəkər içində yaxşıca ərisin ki, şirniyyatı kəsərkən qırılmasın. Yarım çay stəkanı bəkməzin içinə bəkməzin yarısı qədər su əlavə edib qarışdırırıq.
Şirniyyat bişirəcəyimiz qabı bəkməzli suyla bolluca isladırıq.
Yaxşıca yoğurduğumuz manna yarmamızı qabın ortasına qoyuruq.
Əlimizi qalan bəkməzli suyla isladıb xəmirimizi qaba yayırıq.
Şirniyyatı yalnız uzununa kəsirik. Soyub ortadan böldüyümüz yerfındığını nizamlı bir şəkildə üzərinə düzürük.
200 dərəcəyə isidilmiş sobada yaxşıca qızardırıq.
Şirniyyat qızararkən şərbətimizi də bişiririk. Qazanımızda şəkər tozunu və suyu yaxşıca qaynadıb şərbətimiz qaynayana yaxın yarım limon suyunu əlavə edib ilıq olmasını gözləyirik.
Şirniyyatın üzərinə şərbətini tökürük.
Bir müddət şərbəti özünə çəkməsini gözləyirik. Bir az yumşalınca çox iti bir bıçaqla uzununa kəsdiyimiz izlərindən təkrar kəsirik. Şirniyyat soyuduqdan sonra istədiyimiz uzunluqda kəsirik.
Nuş olsun.