Tərkibi:
İstədiyiniz hər hansı bulka xəmirindən istifadə edə bilərsiniz.
İçliyi üçün:
Alma
Cem
Yarım çay qaşığı darçın
1 çay qaşığı şəkər tozu
Üzəri üçün:
Yumurta
Fıstıq
Hazırlanması:
Əvvəlcə almanı soyub, içərisini tumlarını təmizləyərək oyursunuz, çalışın ki, alma zədələnməsin.
Sonra almanı nazik dilimlərə yumru halqa formasında doğrayıb, darçın və şəkər tozu ilə qarışdırıb 10-15 dəqiqə saxlayın.
Götürdüyünüz xəmiri çox da nazik olmamaq şərtilə lavaş yayırsınız, sonra stəkanın ağzı ilə kəsirsiniz, üçünü azca üst-üstə çıxmaq şərtilə şəkildəki kimi qoyursunuz.
Tən ortaya almanın bir dilimini qoyursunuz.
Almanın tən ortasına isə azca cem qoyursunuz.
Üzərinə yenidən üç dənə lavaş qoyub, kənarlarını çəngəl ilə basaraq bütün qıraqlarını bəzəyirik.
Sonra tərsinə çeviririk, bəzəklər alta düşməlidir. Üç tərəfini tutaraq tən ortada bitişdiririk.
Onların da qıraqlarını şəkildəki kimi birləşdiririk.
Ləçəklərini açaraq kala formasına salırıq.
Tən ortasına bir dənə fıstıq qoyuruq.
Üzərinə fırça ilə yumurta çəkirik.
Və bişməyə qoyuruq.
Budur, bulkamız hazırdır.
Nuş olsun!