Tərkibi:
7 st un
250 q "Best Cow" kərə yağı (əridilmiş)
3 ədəd yumurta
0.5 ç.q. maya
Vanil
3-4 x.q kakao
Aparana qədər süd
İçi üçün:
Badam
Şəkər tozu
Vanil
Hil
Arası üçün:
"Best Cow" kərə yağı (əridilmiş)
Hazırlanması:
Xəmiri yoğururuq, mayalanmağa qoyuruq.
Mayalandıqdan sonra kündələrə bölürük.
Un töküb xəmiri yayırıq və taxtanın üzərinə səririk, qıraqlarından tutub genişləndiririk. Üzərini yağlayırıq, qalan kündələri də bu formada edirik.
Mən sadə badambura xəmiri də yoğurdum, kakaolu və sadə xəmirin hərəsindən bir-bir yayıb yağladım.
Əvvəl qıraqlarını kəsirik, sonra rulet formasında edib 2 barmaq qalınlığında kəsmək lazımdır.
İçlik üçün badam, şəkər tozu, hil və vanili qarışdırın.
Kəsilən xəmirin içinə bu formada ləpəni töküb ağzını bağlayırıq və uzunsov forma veririk.
Öncədən qızdırılmış 150 dərəcəlik sobada bişiririk.
Sadə, kakaolu və zolaqlı badamburamız hazırdır.
Nuş olsun!