Tərkibi:
Xəmiri üçün:
2 ədəd yumurta
1 stəkan süd
1 stəkan qatıq
1 stəkan şəkər tozu
1 stəkan duru yağ
1 paket qabartma tozu
Apardığı qədər un
İçlik üçün:
1 ədəd yumurta
1 stəkan ərinmiş "Best Cow" kərə yağı
1.5-2 stəkan şəkər tozu
Vanil
Apardığı qədər un
Hazırlanması:
Əvvəlcə xəmir üçün bütün ərzaqları bir qaba əlavə edirik.
Hamısını qarışdırıb və apardığı qədər un əlavə edirik, yumşaq xəmir yoğururuq.
Xəmiri kündələrə ayrırıq və dincəlməyə qoyuruq.
Bu zaman ərzində içlik üçün yumurta, yağ və şəkər tozunu ağaranacan çalırıq və un ilə vanili əlavə edib ovuntu halına salırıq. Amma ovuntunu çox quru etmək olmaz, əks halda bişirəndə bərkiməz. Ovuntunu ovcumuzun içində sıxırıq, dağılmasa demək hazırdır.
Kündələrdən dördkünc nazik lavaş yayırıq, çox un vurmadan üzərini yağlayırıq.
Ovuntunu səpirik və üstündən əlimizlə yüngülcə basırıq.
Yumurlayıb rulet halına salırıq və kənarı formalı bıçaqla 2 barmaq enində kəsirik.
Bişirəcəyimiz tavaya düzüb üzərinə yumurta vururuq.
180-200 dərəcədə bişiririk.
Nuş olsun!