Xəmir üçün:
1 x.q bal
300 ml su
1 ç.q quru maya
3 x.q duru yağ
0.5 ç.q duz
Təxminən yarım kq un
İçlik üçün:
Yer fıstığı (miqdarı zövqə görədir)
5 x.q kakao
80 q şəkər tozu
100 ml su
20 q marqarin
Üzəri üçün:
Duru yağ
Hazırlanması:
Bir az isti suda balı tam həll edirik. Təzə və ya xarlanmış bal ola bilər.
Üzərinə maya əlavə edib 10 dəqiqə saxlayın.
500 q buğda ununu ələyib üzərinə duz əlavə edin və qarışdırın.
Ballı-mayalı qarışığı unun üzərinə tökün.
Lazım olsa un bir qədər də əlavə edə bilərsiniz. Yoğurduğunuz xəmiri isti yerə qoyun ki, gəlsin.
Qlazuru hazırlamaq üçün böyük olmayan bir qazana kakao və şəkər tozunu tökün.
Üzərinə su əlavə edib qarışdırın.
Eyni kütlə alınana qədər orta istilikdə qarışdıra-qarışdıra bişirin. Qaynayanda marqarini çox da iri olmayan hissələrə bölüb bura əlavə edin.
Qlazur hazırdır. Yer fıstığını quru tavada qabığı çıxana qədər qovurun.
İsti-isti qabıqlarını çıxarın. Sonra soyudun, blenderdə bir az xırdalayın.
Xəmirin yaxşı köpməsini gözləyin.
Peraşkidən bir az böyük kündələr tutun, yayın, üzərinə qlazur çəkin, sonra yer fıstığı səpin.
Rulet kimi bükün, qıraqlarını da bükün ki, qlazur listə axmasın. Listi duru yağ ilə yağlayın, ruletləri bir-birinə çox yaxın qoymayın.
20 dəqiqə 200 dərəcədə bişirin. Hazır ruletlərin üzərinə bişəndən sonra bir az duru yağ çəkin. İstəsəniz kərə yağından istifadə edə bilərsiniz (Üzərinin qızarması üçün bişməzdən əvvəl də ruletlərin üzərinə duru yağ çəkə bilərsiniz).
Nuş olsun!
(Tərcümə edilib)