Tərkibi
Xəmiri üçün:
6 x. q un
2 x. q şəkər tozu
120 qr kərə yağı (dondurulmuş)
1 ədəd yumurta
İçlik üçün:
3-4 ədəd armud
4 x. q şəkər tozu (armud üçün) + 4-5 x. q (içlik üçün)
300 ml su
120 qr. "Wellington" kərə yağı
2 ədəd yumurta
1/2 x. q un
200 qr badam (yarısı xəmirə gedəcək)
1 x. q sirkə
3 x. q limon suyu
Hazırlanması:
Əvvəl armudu ortadan bölüb, təmizləyirik (armudu alma, heyva ilə də əvəz etmək olar).
Badamı təmizləyirik. Üzərinə isti su töküb, 10 dəqiqə saxlayırıq. Sonra suyunu boşaldıb, yenidən isti su töküb soyumağa qoyuruq.
Soyuduqdan sonra elə suyun içindəcə təmizləyirik.
Armudu bir qaba qoyub, üzərinə limon şirəsi, 4 x.q. şəkər tozu və su əlavə edib, 15 dəqiqə qaynadırıq.
Badamı ya blenderdə, ya da ət maşınından çəkib xırdalayırıq.
Daha sonra xəmirin hazırlanmasına keçirik. Bunun üçün üyüdulmuş badamın yarısına 6 qaşıq un, 2 x.q. şəkər tozu və 120 qr dondurulmuş yağı sürtkəcdən keçirib, xəmirimizə əlavə edirik. Yumurta əlavə edərək (bu prosesi uzatmadan) xəmiri bıçaqla döyəcləyib, 30 dəqiqəlik soyuducuya qoyuruq.
İçlik üçün 2 yumurtaya 4-5 x.q şəkər tozu və 120 qr yumşaldılmış kərə yağı əlavə edib qarışdırırıq. Yerdə qalan hissəyə çəkilmiş badam, yarım x. q un və 1 x. q sirkə əlavə edib, yenidən yaxşıca çalırıq.
Xəmiri yayıb yağlanmış tavaya yerləşdiririk və üzərinə krem töküb armudları düzürük (armudun şirəsini saxlayırıq). 40 dəqiqəliyə 200 dərəcədə qızdırılmış sobaya qoyuruq.
Piroqun üzəri qızardıqdan sonra armudun qalan şirəsini fırça ilə piroqun üzərinə çəkirik. 1-2 dəqiqə sobada saxlayıb götürürük.
Piroqumuz hazırdır.
Nuş olsun!
(tərcümə edilib)