Sevimli xanımlar! Bizim zonamızda bu külçəni üyüdülmüş qənddən hazırladıqları üçün adına "Qəndi külçə" deyirlər.Əsasən Novruz bayramı ərəfəsində bütün süfrələrin bəzəyi olur.Ümumiyyətlə, müxtəlif adları var: vulkanı çox olanda "Vulkan", olmayanda "Partlama" da deyirlər.
Tərkibi:
200 qr "Wellington" əridilmiş kərə yağı
200 qr şəkər tozu (varsa, üyüdülmüş qənd tozu)
300-350 qr un
Azca maya
Xəmir üçün:
200 qr "Wellington" kərə yağı
200 qr şəkər tozu
2 ədəd yumurta
250 qr xama
Apardığı qədər un
Vanil
Qabartma tozu
Hazırlanması:
Əvvəlcə içliyi hazırlayaq: bunun üçün yağa şəkəri töküb əlimizlə əridək.
Şəkər əriyəndən sonra mayanı və unu tökə-tökə yaxşıca ovuruq. Şəkildəki kimi kütlə alınır.
Un nə qədər çox olsa, vulkan o qədər çox olacaq 
Qoyuruq bir qırağa.
Xəmir üçün lazım olan bütün ərzaqları qarışdırıb xəmir yoğururuq.
Xəmirdən balaca kündələr tuturuq. Kündələri açırıq, hazır içlikdən yumrulayaraq içinə qoyub bükürük və kündəni çeviririk.
Üzərinə diş çöpü ilə naxış vurub, bıçaqla çərtirik.
Yumurta sarısı çəkib 170 dərəcədə bişiririk.
