Biskvitin tərkibi:
6 yumurta
6 yemək qaşığı şəkər tozu
6 yemək qaşığı un
1 limonun qabığı
Krem:
2 yumurta
2 yemək qaşığı şəkər tozu
2 yemək qaşığı un
100 qr. kərə yağı
Süd 250 ml.
Vanil bir çimdik
Çiyələk 500 qr.
Bəzək üçün nanə və ya reyhan yarpaqları.
Yumurta sarısı ağından ayrılır.
Sarıya şəkər əlavə edilir.
Sürtgəcin xırda gözündən keçirilmiş limon qabığı əlavə edilir.
Yumurta ağına bir çimdik duz əlavə edib,çalırıq.
Sonra yaxşı çalınmış yumurta ağı ilə sarısı qarışdırılır və un əlavə edilir.
Soba 180 º C qızdırılır.Hazır kütlə qaşığın köməyi ilə soba qabına yayılır və 10 dəq. ərzində bişirilir.
Hazır biskvit sobadan çıxardılaraq soyuması üçün kənara qoyulur.
Krem:
2 yemək qaşığı şəkər, 2 yemək qaşığı un və 2 yumurta qarışıdırilir,süd əlavə edilir.
Bu kütlə ocağın üstünə qoyulur və qatılaşana kimi qarışdırılır.Qatılaşandan sonra ocağın üstündən götürülüb soyumaq üçün bir kənara qoyulur.
Soyuduqdan sonra qalan kərə yağı, vanil əlavə edib çalınır.
Bəzək üçün təxminən 20 ədəd çiyələk götürülür,qalan çiyələklər isə iki yerə bölünərək kremin içinə əlavə edilir və qaşığın köməyi ilə yavaş-yavaş qarışdırılır.
Krem hazır biskvitin üzərinə sürtülür və burulur.
Qalan krem ruletin üzərinə sürtülür və zövqə görə bəzədilir.
Çiyələkli rulet hazırdır.
Nuş olsun!