Tərkibi:
250 qram yağ
2 stəkan şəkər tozu
3 ədəd yumurta
0,5 stəkan süd
1 paket vanil
0,5 çay qaşığı soda
Təxminən 3-4 stəkan un
Arası və üzəri üçün:
İstədiyiniz meyvənin cemi
Hazırlanması:
Əvvəlcə otaq temperaturunda yumşalmış yağı və 2 stəkan şəkər tozunu yaxşıca əzərək qarışdırın.
Daha sonra yumurtaları və südü əlavə edərək qarışdırın.
Vanili və sodanı əlavə edin, yenə qarışdırın.Ən axırda ələnmiş unu hissə-hissə əlavə edib ələ yapışan xəmir əldə edirik.
Sonra listə yağlı kağız səririk.Xəmiri iki hissəyə bölüb hər hissəni ayrılıqda dördkünc formada, barmaq qalınlığında olmaqla səliqə ilə yayırıq. Əlimizə yapışmasın deyə əllərimizi una batırırıq. Üstü qızaranadək bişiririk.
Daha sonra bişmiş layların qıraqlarını kəsərək bərabər ölçüyə gətiririk. 1-ci layın üstünə cem çəkirik.
2-ci layı qoyub ona da cem çəkirik və qıraqlarından çıxan ovuntuları üstünə səpərək cemə hopdururuq.
Romb şəklində doğrayırıq.
Nuş olsun!