Əziz xanımlar bildiyimiz kimi birazdan meyvəlırin bol vaxtıdı.Xüsusən də almanın.Hazırladıgım bu piroq çox asan və dadlıdı.Hazırlasanız peşman olmazsınız.
Piroq üçün aşağıdakı ərzaqlar lazımdır:
2,5 stəkan un
1 stəkan şəkər tozu
200 qram marqarin yağı
3 yumurta
vanil,kabartma tozu
3-4 ədəd orta ölçülü alma
Zövqə görə almaları turş və ya şirin götürə bilərsiniz.
Əvvəlcə un,şəkər tozunun yarısını,yağı və yumurtaların yalnız sarısını götürüb yoğurmağa başlayırıq,vanil və kabartma tozunu da əlavə edirik.
Alınmış xəmirdən orta böyüklükdə kündə ayırıb soyuducuya qoyuruq.
Qalan xəmiri piroqu bişirəcəyimiz qabın içinə yayırıq
Üzərinə qabığını soyub dilimlədiyimiz almaları düzürük.Dilimləri nazik kəsmək lazımdır
Yumurtaların ağından və şəkər tozunun yarısından bize hazırlayırıq
Bizeni almaların üstünə yayırıq.
Souducuya qoyduğumuz kündəni piroqun üzərinə sürtgəcdən keçirə-keçirə yayırıq.
180 dərəcədə 30-35 dəqiqə bişiririk.
Piroqumuz hazırdı.Soyuduqdan sonra kəsib servis edirik.Nuş olsun!
