Tərkibi:
100 q anteb fısdığı
150 q "Möcüzə" paket yağı (ev şəraitində yumşalmış)
150 q kəsmik
250 q şəkər tozu
3 yumurta
1 ç.q vanilin
1 ç.q qabartma tozu
1,3 ç.q duz
150 q un
Üzəri üçün:
3 x.q şəkər pudrası
2-3 ç.q limon şirəsi
Hazırlanması:
Fıstıqlar blenderdə un halına gələnə qədər üyüdülür.
Kəsmik, yağ və şəkər tozu mikserlə qarışdırılıb həll olunur. Üyüdülmüş fıstıqlar da qarışıma əlavə olunur.
Yumurtaları tək-tək qarışıma əlavə edərək mikserlə yaxşı-yaxşı qarışdırırıq. Sonda un, duz, qabartma tozu və vanilini əlavə edib son dəfə qarışdırırıq. Nə bərk, nə də ki, çox yumşaq olmayan bir xəmir əldə edirik. Formalı listimizi yağlayıb 180 dərəcə qızdırılmış sobada 40-45 dəqiqə bişiririk. Qoyulan dəqiqədən artıq da bişə bilər.
Üzərinə nəzərdə tutulan qlazuru hazırlamaq üçün 3 xörək qaşığı şəkər pudrasına 2-3 çay qaşığı limon suyu əlavə edib qarışdırırıq.
Budur, keksimiz hazırdır. Üzərini ürəyiniz necə istəyirsə, elə də bəzəyə bilərsiniz.
Nuş olsun!
XƏBƏR LENTİ
- ŞƏRHLƏR