Əziz Qadin.Net-lilər və kulinariya həvəskarları!
Bu gündən başlayaraq saytımızın mətbəx rubrikasında həm də, "Şef - Master" bölməsi aktiv olacaq.
Bu bölmədə təqdim olunanan foto reseptlər, mətbəx rubrikasındakı digər reseptlərdən peşekar təqdimatı ilə seçiləcək.
Yəni təqdim olunan foto reseptlər,sıradan fotolar olmayıb,xüsusi hazırlıq kursu keçmiş kulinariya fotoqrafları tərəfindən peşekarlıqla çəkilmiş foto reseptlər olacaq.
İlk Şef - Master foto reseptini sizlər üçün bir mətbəx jurnalından əvvəlcə skyner,sonra photoshop işi və tərcümə ilə birlikdə hazırladım.Düzdür,bir qədər vaxt aparan iş oldu,amma Qadin.Net xanımlarına qurbandır 
Təki,gözəl nə varsa,hamısını öyrənsinlər 
İndi isə keçək Şef - Master foto reseptinə:
Vəsaitlər:
250 qr marqarin (otaq istisində ərinmiş)
250 qr şəkər
330 qr bəhməz (təxminən 1 su stəkanı + 1/3 su stekanı)
4 ədəd yumurta (otaq istisində gözlədilmiş)
1250 qr un (8 su stəkanı)
1 ç.q. qabartma tozu
1ç.q. toz zəncəfil
1ç.q. darçın
1ç.q. toz mixək
Bəzəmək üçün:
Şəkər və ya parça şokaladlar
Royal İcing üçün:
2 su stəkanı pudra şəkəri
2 ədəd yumurta ağı
3-4 damcı limon suyu
Hazırlanması:
Şəkər və yağ dərin bir qabda çirpıcı ilə ıəkər əriyənə qədər çırpılır.
Bəhməz və yumurtaları qatıb çırpmağa davam edirik.
Başqa bir qabda 1,5 stəkan un,duz və digər ədviyyatları qarışdırırıq.
Sonra bunu bəhməzli qarışıma əlavə edib çırpın.
Qalan unu da yavaş-yavaş əlavə edərək xəmir halına gətirək.
Xəmiri strec neylona sarıyıb soyuducunun buzluğunda 30 dəqiqə gözlədirik.
Xəmir yayacağınız dəzgaha və ya xəmir masasına un səpib xəmiri bir barmaq yarısı qədər yayaq.
Yaydığımız xəmirdən ev qəlibi ilə kəsərək,ya da sadəcə bıçaqla ev formasında kəsərək kənarlarını kəsib(evin yan və ön divarlarını da kəsin) yağlı kağız qoyulmuş soba listinə qoyaq.
Əvvəlcədən isidilmiş 170 dərəcə istilikdə bişirilir.
Royal icing vəsaitlərini bir qaba alıb mikserlə sürətlə çırpın.Əgər sulu alınarsa,çox az pudra şəkəri əlavə edə bilərsiniz.
Sobadan çıxarılmış peçenyələrin soyumasını gözləyək.
Kremi sıxma qabına və ya yağlı kağızdan düzəltdiyiniz sıxma torbasına boşaldıb istifadəyə başlaya bilərsiniz.
Peçenye evimizi düz bir yerdə yapışdıraq.
Bəzəmə şəkərləri və şokaladları royal icinglə birlikdə evimizin üstünə yapışdıraraq istədiyimiz kimi bəzəyək.
Əziz Qadin.Net-lilər,əminəm ki,belə bir bəzəkli peçenye uşaqlarınızın ad günü və ya xüsusi günlərində onlara əvəzolunmaz bir sürpriz olacaq.
Zamanı və həvəsi olanlar hazırlamaqdan çəkinməsinlər.
Nuş olsun!