Tərkibi:
Badımcan - 2 ədəd
Soğan- 1 ədəd
Sarımsaq- 3 diş
Pomidor- 1 ədəd
Yumurta- 2 ədəd
"Best Cow" kərə yağı- 1 q
Pendir- 100 q
Şüyüd
Duz-istiot
Hazırlanması:
İlk öncə badımcanları iki hissəyə bölüb ehtiyatla içini çıxarırıq. Duz-istiot səpirik. Soğanı xırda-xırda doğrayırıq.
Üzərinə sarımsağı əzirik. Kərə yağında qızarana qədər bişiririk.
Badımcanın içindən çıxardıqlarımızı da soğana əlavə edib birlikdə qovururuq. Pomidorun qabığını soyub xırda-xırda doğrayırıq.
Əvvəlcdən bişirdiyimiz yumurtaları da doğrayıb əlavə edirik soğanın üzərinə.
Pendiri sürtgəcin iri gözündən keçirib yarısını da bura əlavə edirik. Duz-istiot və xırda doğranmış şüyüd əlavə edib qarışdırırıq.
Hazırladığımız içliklə badımcanları doldururuq.
Üzərinə pendir səpirik. Pendirin yanmaması üçün üzərinə folqa kağızı qoymaq lazımdır. 180-200 dərəcədə- 30 dəqiqə bişiririk.
Dadlı badımcanlarımız hazırdır.
Nuş olsun!