Tərkibi:
Badımcan- 2-3 ədəd
Yumurta- 2 ədəd
Kartof - 1 ədəd
Şirin bibər- 1 ədəd
Soğan- 1 ədəd
Sarımsaq -2-3 diş
Göy soğan- 2-3 ədəd
Şüyüd- 2-3 ədəd
Duza qoyulmuş xiyar-2-3 ədəd
Duru yağ
Duz- istiot
Hazırlanması:
Badımcanları yumru-yumru kəsirik. Bir qabda yumurtanı yaxşı-yaxşı qarışdırıb badımcanları onun içinə qoyuruq. Sonra yumurtadan çıxarıb yağlı tavada az odda qızarana qədər bişiririk.
Və salfetlərin üzərinə yığırıq ki yağı süzülsün.
Kartofu nazik-nazik doğrayıb yağda qızardırıq.
Bibəri də eyni ilə şəkildəki kimi doğramaq lazımdır.
Duzlu xiyarı da nazik-nazik doğramaq lazımdır.
Badımcanları da uzunsov doğrayırıq. Və bütün bunları üst-üstə əlavə edirik.
Göy soğan, quru soğan, şüyüd və sarımsağı xırda-xırda doğradıqdan sonra qarışdırırıq.
Üzərinə yağ əlavə edib qarışdırdıqdan sonra salatın üzərinə əlavə edib yenidən xəfifcə qarışdırmaq lazımdır. Badımcan salatımız hazırdır.
Nuş olsun!