Tərkibi:
3 ədəd şirin bibər (müxtəlif rənglərdə)
250 q toyuq filesi
3 ədəd yumurta
1 ədəd təzə xiyar
50 q mayonez
1 ədəd baş soğan
Duz, istiot
Göyərti
"Möcüzə" duru yağı
Hazırlanması:
Əvvəlcə soğan xırda doğranılır. Soğanın üzərinə qaynar su tökülür və 10 dəqiqə saxlanılır.
Sonra suyunu süzün və soyuq su ilə yaxalayın ki, soyusun. İndi isə yumurtadan qayğanaq edin. Yumurtaları bir-bir, ayrı-ayrı qırın ki, yuxa kimi alənsın, duru yağda bişirin.
Hər iki üzünü də qızardın (qızılı rəngdə edin, çox qaraltmayın ki, yanıq dadı gəlməsin). Sonra da kağız salfetin üzərinə sərin, ki yağlı olmasın. Bişmiş toyuq filesi xırda doğranılır.
Bişmiş yumurtanı da uzunsov formada doğrayın.
Xiyarı da uzunsov formada doğrayın.
Şirin bibərlər iti bıçaqla nazik kəsilir. Amma ortasının tumlarını hələ təmizləməyin. Orta hissəsinə qədər kəsin, sonra da soyuq suya qoyub soyuducuya yerləşdirin (1-2 saatliq, şəkildəki kimi).
Hazır bibərdən etdiyimiz gülləri salatdan əvvəl hazırlayıb soyuq suda saxlamaq daha yaxşi olar, sonra da salatı edin. Hazır gülləri dəsmal üzərinə düzün ki, suyu süzülsün.
Sonra da hazır salatı qaşıqla güllərin içinə yerləşdirin. Göyərti ilə də bəzək verin və gül salatımız hazırdır.
Bu gül bibərin içinə bir çox salatlari yerləşdirmək olar.