Tərkibi:
200-250 qr qızıl balıq
0,5-1 ədəd nori
Kəsmikli yumşaq pendir
Avokado - 1 ədəd
Təzə xiyar - 1 ədəd
Düyü - 100 q
Hazırlanması:
Düyü bişirilib kənara qoyulur ki, soyusun.
Bambukdan hazırlanmış salfetin üzərinə yarıya bölünmüş norini qoyuruq.
Onun üzərinə 80 q düyü əlavə edib norinin üzərinə yayırıq. 2 sm yer saxlayırıq - ora düyüsüz qalır.
Sonra düyü olan tərəfi salfetin üzərinə çevirib üstündən bir az basırıq ki, düyü noriyə tam yapışsın.
Düyü qoymadığımız tərəfdən əvvəl pendiri yayırıq.
Sonra ərzaqları düzürük.
Ərzaqlar içəridə olmaq şərti ilə rollını bükürük. Düyü olan hissə üstdə qalır.
Sonra düyünün üzərindən qızıl balığın tikələrini qoyub yenidən bükürük. 6-8 hissəyə doğrayıb qaba yığırıq.
Süfrəyə zəncəfil tutması, vasabi (yaşıl xardal) və soya sousu ilə verilir.
Nuş olsun!