Tərkibi:
400 qr-konservləşdirilmiş ağ lobya(1 banka)
2 ədəd bolqar bibəri (qırmızı)
5 budaq cəfəri
3 budaq nanə
2 x.q. kapers (yerqulağı)
2-3 diş sarımsaq
Üzəri üçün:
2 x.q. limon şirəsi
4 x.q. "Zeytun bağları" zeytun yağı
Zövqə görə duz, istiot
Hazırlanması:
Sobanı 200 dərəcəyə qədər qızdırırıq. Zərvərəqi formaya salırıq, bibərləri formaya yığırıq. 15-20 dəqiqiqə bişməlidir. Üzərinın qabığı azca açılmalıdır. Bibərlər hazır olduqdan sonra başqa qaba qoyub, ağzını bağlayıb 20 dəqiqə soyumağa buraxırıq.
Bibərlərin qabığını soyuruq, toxumundan təmizləyirik. Uzun nazik doğrayırıq.
Lobyanı süzgəcə töküb yuyuruq.
Sarımsağı təmizləyirik, xırda doğrayırıq. Cəfərini, nanəni gövdəsindən ayırıb, xırda doğrayırıq.
Salat qabına bibər, lobya, göyərti və kapersını tökürük. Əgər kapersı yoxdursa, turşuya qoyulmuş xiyarla da əvəz etmək olar. Salatımızın üzəri üçün lazım olan ərzaqları hazırlayırıq. Ayrı bir qabda limon şirəsi, zeytun yağı, duz, istiot və sarımsaqı qarışdırırıq. Alınmış qarışımı salatmızın üzərinə töküb qarışdırırıq. 10 dəqiqə saxlayırıq.
Salatımız hazırdır.
Nuş olsun!
XƏBƏR LENTİ
- ŞƏRHLƏR