Tərkibi:
500 qram brokoli
250 qram orecchiette makaron
1 diş sarımsaq
2 ç/q kapari (toxum)
1/2 ç/q qırmızı istiot (toz halında)
Qızartmaq üçün zeytun yağı
Parmezan peniri
Duz, istiot
Hazırlanması:
Brokolini yarpaqlarından ayırıb, kəsin. Sarımsağı doğrayın.
Qazana su və duz əlavə edib qaynadın. Sonra brokoli çubuqlarını əlavə edib 1-2 dəqiqə bişirin.
Qazana orecchiette makoronunu əlavə edin. 8-10 dəqiqə bişirin sonra brokolinin güllərini əlavə edib 1-2 dəqiqə bişirin. Makaron və brokoli çubuqlarını süzün.
Tavaya zeytun yağı əlavə edin və sarımsaqları qovurun.
Makaron və brokoliləri sarımsağın üzərinə əlavə edin 2-3 dəqiqə qovurun.
Üzərinə qırmızı istiot, duz, kapari toxumu, istiot və parmezan pendiri əlavə edib servis edin.
Nuş olsun!