Tərkibi:
4 ədəd qabaq
5 ədəd yaşıl soğan
Yarım dəstə cəfəri
3 ədəd yumurta
Bir paket qabardıcı
1,5 stəkan un
Azərduz yodlu narın xörək duzu, istiot
Qızartmaq üçün duru yağ.
Hazırlanması:
Qabaqların qabıqlarını soyub sürtkəcdən keçiririk.
İki ovcumuzun içində suyunu sıxırıq.
Göyərtiləri xırda doğrayıb qabaqların üzərinə əlavə edirik.
Yumurta,duz,istiot,qabardıcını da vurub qarışdırırıq.
Unu yavaş-yavaş əlavə edirik,nə çox qatı,nə də çox duru olmamalıdır qarışıq.
Tavaya bol yağ töküb qızdırırıq,hazırladığımız qarışıqdan qaşıqla götürüb yağa əlavə edirik,azca üzərindən yayırıq ki,çox qalın olmasın.Hər iki üzünü qızardıb salfetka sərilmiş qaba yığırıq ki,artıq yağı çəkilsin.
Və Kotletlərimiz hazırdır.Nuş olsun!
P.S. Qabaq kotletlərini istəyən soyuq qəlyanaltı kimi, istəyən isti yemək kimi yeyə bilər.