Tərkibi:
Çəkilmiş dana əti- 500 q
Göbələk- 200 q
Yumurta-1 ədəd
Pomidor- 1 ədəd
Pendir- 200 q
Soğan- 1 ədəd
Duz-istiot
Şüyüd- 1-2 ədəd
"Zeytun bağları" zeytun yağı
Hazırlanması:
İlk olaraq çəkilmiş ətə duz-istiot səpib yaxşı-yaxşı qarşdırırıq.
Bu qəlyənaltını biz biskivit bişirdiyimiz qablarda və ya hər hansı şüşə qabda da bişirə bilərik.
Şəkillərdə hər iki qab da göstərilir. Deməli ilk olaraq əti küftə kimi yumrulayırıq.
Sonra bilirəcəyimiz qaba qoyub ortasını yuva kimi açırıq. Bu yemək üçün göbələkləri xırda seçmək lazımdır.
Göbələyi ilk olaraq 15 dəqiqə pörtüb sonra zeytun yağında soğanla bişənə qədər qovururuq.
Yumru-yumru doğranmış pomidoru ətin içinə yerləşdirirk.
Üzərinə 3-4 ədəd göbələk qoyuruq.
Yumurtanın üzərinə pendiri sürtgəcdən keçirib bir az duz-istiot əlavə edirik.
Şüyüd səpib pendirli yumurtanı üzərinə əlavə edirik. 180 dərəcədə 15-20 dəqiqə bişiririk.
Nuş olsun!