Tərkibi:
Toyuq filesi-500 q
Kabak-2-3 ədəd
"Möcüzə" duru yağı( qarğıdalı)
Soya sousu
Alma və ya üzüm sirkəsi
Sarımsaq- 1 diş
Bal- 1 çay qaşığı
Ədviyyat zövqə görə.
Duz-istiot.
Hazırlanması:
İlk öncə toyuq filesini xırda-xırda doğrayıb əvvəlcədən hazırladığımız sousda saxlayırıq.
Sousu hazırlamaq üçün 1 xörək qaşığı duru yağın üzərinə 1 xörək qaşığı soya sousu və 1 çay qaşığı sirkə əlavə edib qarışdırırıq. Sarımsağı və balı da üzərinə əlavə edirik. Zövqə görə ədviyyatları da əlavə edib yaxşı-yaxşı qarışdırırıq. Minimum 20-30 dəqiqə saxlamaq lazımdır. Lakin 3-4 saat ərzində də saxlamaq olar. Bu zaman ətimizi soyuducuda saxlamalıyıq.
Kabakları yuyub qurutduqdan sonra nazik-nazik uzunsov kəsirik. Duzlayıb, isitiotlayıb 10-15 dəqiqə saxlamaq lazımdır.
Sonra kabakları şəkildə gördüyünüz kimi rulet formasında şiş çöplərə keçirmək lazımdır. 1 file, 1 kabak sıra ilə çöplərə keçiririk. Tavaya duru yağ əlavə edib yaxşıca qızmağını gözləyirik.
Sonra şişləri tavaya düzüb hər tərəfini 5 dəqiqə qızardırıq. Süfrəyə isti-isti vermək lazımdır.
Nuş olsun!