Tərkibi:
2 ədəd toyuğun döş əti
1 ədəd soğan
3 ədəd yaşıl bibər
2 ədəd pomidor
Yarım dəstə cəfəri
2 diş sarımsaq
Duz,
Qara bibər,
Kəklik otu
9 ədəd badımcan
Qızartmaq üçün "Zeytun bağları" zeytun yağı
Sousu üçün:
1 çay qaşığı bibər tamatı, 2 su stəkanı su
Hazırlanması:
Badımcanları soyub, ortadan uzunlamasına bıçaqla kəsik atın, amma tamamilə kəsməyin.
Duzla ovun. Yarım saata qədər gözlədib yuyun və qurulayın. Qızmış yağda hər tərəfini qızardın.
Digər tərəfdə soğanı və bibərləri xırda doğrayıb az yağda qızardın.
İçinə kiçik doğranmış toyuq ətini qoyub 5 dəqiqəyə qədər qovurun.
Dördkünc doğranmış pomidoru da əlavə edin.
Suyunu çəkməyə yaxın incə doğranmış cəfərini, duzu və ədviyyatları əlavə edib qarışdırın və ocaqdan götürün.
Qızaran badımcanları, hazırladığınız içlə doldurun.
1 cay qaşığı bibər tamatı suda əridin və badımcanların aralarına tökün.
Üzərini folqa ilə bağlayıb 200 dərəcəlik sobada 45 dəqiqə qədər bişirin. Üzərini açıb 10 dəqiqə daha bişirin.
Nuş olsun!