Tərkibi:
Xəmir üçün:
Un- 250 q
Yumurta -2 ədəd
"Zeytun bağları" zeytun yağı- 50 ml
Duz- 1 çay qaşığı
Sarı kök
İçlik:
Göbələk- 200 q
Soğan- 1 ədəd
Pendir- 60 q
Yumurta -1 ədəd
Sous üçün:
İspanaq- 1 dəstə
Sarımsaq- 2-3 diş
Qaymaq
Hazırlanması:
Xəmiri yoğurub 2 hissəyə ayırıb kündələyirik. Sonra xəmiri paketə qoyub soyuducuda 1 -2 saat saxlamaq lazımdır.
Soğanı, göbələyi və pendiri blenderdə qarışdırmaq lazımdır.
Sonra xəmiri yayıb içliyi üzərinə şəkildəki kimi qoyuruq. Yumurtanın ağını sarısından ayırıb, ağını xəmirin üzərinə çəikirik.
Sonra 2-ci kündəni də yayıb üzərinə qoyuruq.
Əlimizlə şəkildə gördüyünüz kimi içliklərin arasını bərkidib bıçaqla kəsirik. 6 dəqiqə bişirmək lazımdır.
Sousu hazırlayırıq. ispanağı xırda- xırda doğrayıb zeytun yağında qovurduqdan sonra sarımsağı doğrayıb əlavə edirik.
Oddan götürdükdən sonra qaymaq əlavə edib raviolini süfrəyə verərkən üzərinə əlavə edirik.
Nuş olsun!