Tərkibi:
Farel balığı
Limon 1 ədəd
Sarımsaq 1 diş
Soğan 2 ədəd
Şüyüd
Duz, istiot
"Möcüzə" paket yağı 100 qram
Hazırlanması:
İlk əvvəl balıq təmizlənilir, duz, istiot vurulur. Üzərinə doğranmış soğan və limon dilimi qoyub bir saat soyuducuda saxlayırıq.
Soğan çox xırda formada doğranılır, yağda qızardılır.
Daha sonra soğanın üzərinə limon qabığı rəndədən keçirilir qarışdırılır.
Sonra üzərinə bir ədəd sarımsaq sıxılır və qarışdırılır.
Ən sonda limon suyu sıxılır, qarışdırılır, ocaqdan götürülür.
Farel balığını listə qoyuruq.
Onun üzərinə qızardılmış soğanı hər tərəfinə çəkirik.
Ən sonda üzərinə xırda doğranmış şüyüd səpib, 200 dərəcədə 15-20 dəqiqə bişiririk.
Budur, artıq bol limonlu sarmısaqlı balığımız hazırdı. Çox ləzzətli idi. Nuş olsun.