Tərkibi:
Cücə - (1 kq çəkisi) 1 ədəd,
Böyük portağal - 1 ədəd
Şəkər - 3 xörək qaşığı
Duz, istiot zövqə görə,
"Zeytun bağları" zeytun yağı.
Hazırlanması:
Toyuğu yaxşı-yaxşı yuyub quruduruq. Sonra duz, istiot və bəzi zövqə görə ədviyyatlarımızı vururuq. Portağalı də yuyub nazik-nazik qabığını soyuruq.
Portağalı yarıdan bölüb yarı hissəsinin şirəsini çıxarırıq. 100 q şirə alınmalıdır. Sonra qalan hissəni nazik-nazik doğrayıb qaba düzürük. Sonra üzərinə toyuğu qoyub zeytun yağı əlavə edirik.
Sobada 1 saat bişirmək lazımdır. Toyuq bişərkən biz də portağal sousumuzu hazırlayaq. Bunun üçün də portağal şirəsini bir qazana töküb üzərinə şəkər tozu və soyduğumuz portağal qabıqlarını əlavə edirik. Orta odda qarışdıra-qarışdıra bərkiyənə qədər qarışdırırıq. Yəni bir az qatılaşmalıdır sousumuz.
Cücənin bişməyinə 10 dəqiqə qalmış hazırladığımız sousu əlavə edib yeni dən sobaya qoyuruq.
Nuş olsun!