Bu resepti bir gün TV-dən rus müğənnisi Boris Moiseyevdən eşidib evdə hazırladım. Mənim kaprizli yoldaşım çooox bəyəndi onu. Ona görə dedim sizinlə bir bölüşüm.
Tərkibi:
1 toyuq filesi (və ya mal əti)
1 ədəd baş soğan
Duru yağ
2 ədəd kartof
1 xörək qaşığı "Bizim Süfrə" zeytunlu mayonezi
2 ədəd yumurta
Azərduz yodlu narın xörək duzu, istiot
Hazırlanması:
soğanı və toyuq filesini (və ya mal ətini) xırda doğrayırıq:
Sonra tavada hər ikisini qızardırıq:
Kənarda kartofları rəndədən keçirdirik:
Rəndələnmiş kartofu qaba tökürük. Üzərinə yumurtaları və mayonezi əlavə edirik:
Üzərinə tavadakı soğanla fileni əlavə edirik və duz ilə istiot qatıb hamısını qarışdırırıq:
Qarışmış məhlulu qaşıq-qaşıq tavaya qoyub kotlet kimi bişiririk:
Yanına qarnir kimi düyü, və ya kartof qızartması qoymaq olar. Nuş olsun!