Tərkibi:
300 qr ət
4 ədəd soğan
3 ədəd yerkökü
3 st düyü
2 diş sarımsaq
Duru yağ
Azərduz yodlu narın xörək duzu
İstiot, sarıkök
Hazırlanması:
Düyü suda təmiz yuyulur.
4 ədəd soğan soyulub uzun-uzun doğranılır.
Duru yağda qovrulur.
Yerkökü də təmiz yuyulur.
Kök uzun-uzun , sarımsaq isə xırda-xırda doğranılıb yağ-soğana əlavə edilir.
5 dəqiqə qovurduqdan sonra ət qatılır.
Əti də bir balaca qovurduqdan sonra düyü əlavə edilir.Düyü də bir az qovrulur.
Sonra üzərini tam örtənə qədər su əlavə edilir.Duz, istiot, sarıkök qatılır.
Aş suyu çəkiləndən sonra dəmə qoyulur.
Və özbək aşımız hazırdır. Nuş olsun!
Qeyd: Əsl özbək aşı yumru düyüdən bişirilir. Zövqə görə uzun düyüdən də istifadə etmək olar.