Tərkibi:
4 st uzun düyü
1 x/q duz
8 st süd
2 x/q paket yağı (əridilmiş)
Üzəri üçün:
10 ədəd xurma qurusu
250 qram kişmiş
1 x/q duru yağı
Darçın (istəyə görə)
Şəkər tozu (istəyə görə)
Hazırlanması:
Əvvəlcə düyünü yuyub, süzürük.
Sonra qazanda yağı əridib, düyünü və duzu əlavə edirik. Azca qovururuq. Üzərinə isti süd əlavə edirik.
Qaynadıqdan sonra (tərkibində azca süd qalmalıdı) diqqət edin ki, dibi yapışmasın. Götürüb, qalın bir parçaya bükürük. Bir saat ərzində açmırıq ki, dəm alsın və düyü buxarda bişsin.
Sonra xurmaları və kişmişi yuyuruq.
Tavaya yağı əridib xurmanı əlavə edirik. Bir qədər qovururuq.
Kişmişi də əlavə edirik və onu da qovururuq. Şişdiyi zaman hazır olur.
Zövqə görə darçın və şəkər tozu da əlavə etmək olar.
Hazırdır.
Nuş olsun!
