Tərkibi:
4 ədəd böyük toyuğun filesi
1 qabaq (çukini növü) - təqribən 100 q
30 q cəfəri
2 ç.q dənəvər xardal
2 ç.q bal
Duz
İstiot
Hazırlanması:
Əti yuyun, qurudun və şəkildəki kimi döyün.
Qabağı da yuyub doğrayın. Qabığını istəsəniz soyun, istəməsəniz soymayın.
Cəfərini də yuyub qurudub doğrayın.
Döyülmüş ətin üzərinə bir qədər qabaq və göyərti qoyun. Duz və istiot vurun. Sonra onu rulet kimi bükün. Açılmasın deyə diş çöpü keçirin.
Xardalla balı qarışdırın. Alınmış məhlulu ruletin üzərinə çəkin və ruleti bişirmə sellofanına qoyun.
180 dərəcəli sobada 30 dəqiqə bişirin. Son 5 dəqiqəni isə sellofanın ağzını açaraq qoyun bişsin.
Ruletimiz hazırdır.
Nuş olsun!
(Tərcümə edilib)