Tərkibi:
800 q quşbaşı qoyun əti
2 ədəd orta ölçülü badımcan (təxminən 300 qram)
3-4 ədəd orta ölçülü pomidor
5-6 ədəd eyni ölçüdə katof
1/2 ç.q. qırmızı toz istiot
4-5 ədəd soğan
10 ədəd yumru qara istiot (üyüdülmüş halda)
Keşniş və ağ reyhan
Su - 300 ml
"Bizim Tarla" tomat pastası
Duz
Hazırlanması:
Dərin və yığcam bir qazan götürürük. Quşbaşı doğranılmış qoyun ətini qazanın dibinə yerləşdiririk. Duzunu vururuq.
Və ətin üzərindən soğan və kartofu qoyuruq. Soğan xırda-xırda, kartof isə kub şəklində doğranılmalıdır. Üzərinə azacıq duz vururuq.
Hər qatın arasına xırda-xırda doğradığımız keşniş və ağ reyhandan azacıq səpirik.
Kartofun üzərindən kub şəklində doğradığımız badımcanları əlavə edib, yenə eyni qaydada azacıq duz səpirik və keşnişi, reyhanı üzərinə səpirik.
Ən üstə kub şəklində doğradığımız pomidorları əlavə edirik, duzunu və ədviyyatlarını üzərinə səpirik.
Üzərinə suda həll edilmiş tomat əlavə edib, 180 dərəcədə və 1,5-2 saat ərzində bişirməliyik ki, ət yaxşı bişsin.
Yeməyimiz hazırdır.
Nuş olsun.
Qeyd: Bu yemək 1,5-2 saat ərzində sobada aşağı dərəcədə bişməlidir. Bu menyudaki yemək əsasən 6-8 nəfər üçün nəzərdə tutulmuşdur.