Füsunkar yemək həm zahirən gözəldir, həm də qeyri-adi dada malikdir. Bu yemək eyni zamanda bayram süfrənizin bəzəyi olacaq. Qeyd edim ki, hind quşunun əti ən az kalorili ət hesab edilir. O zülalları və piyləri özündə saxlayır. Hind quşunun ətində piyin miqdarı minimaldır.
Tərkibi:
Dərisiz (böyük) hind quşu budu - 2 ədəd
Manqo - 2 ədəd
Zəncəfil kökü - 2-3 sm
Sarımsaq - 2 diş
Göyərti (zövqə görə) - 1 dəstə
"Zeytun Bağları" zeytun yağı - 2 x.q
Qırmızı şərab
Duz
İstiot.
Hazırlanması:
Sarımsağı və zəncəfilin kökünü təmizləyib, sürtkəcdən keçiririk. Göyərtini xırda-xırda doğrayırıq. Kasada xırdalanmış göyərtini, sarımsağı, zəncəfili, ədviyyatları, təxminən 2 x.q zeytun yağını və bir az da şərabı qarışdırırıq. Hər şeyi yaxşı qarışdırdıqdan sonra hind quşunun ətinə sürtürük. Bir saat sərin yerdə saxlayırıq (daha çox saxlamaq da olar).
Manqonun qabığını soyub, incə dilimlərlə doğrayırıq. Manqonun incə doğranmış dilimlərini falqaya düzürük. Marinə edilmiş budları onun üstündən qoyuruq, manqonun qalan dilimləri ilə budların üstünü örtürük.
Budları falqaya bükürük. 180-200 dərəcə temperaturda qızdırılmış sobada 40 dəqiqə bişiririk.
Sobadan çıxardıb süfrəyə veririk.
Nuş olsun!
(Tərcümə edilib)