Tərkibi:
Yarım kilo təzə lobya
15 ədəd yaşıl bibər
4 ədəd iri pomidor
1 kasa qatıq
5-6 diş sarımsaq
Qızartmaq üçün 1 çay stəkanı "Zeytun Bağları" zeytun yağı
1 çay qaşığı şəkər tozu
1 çay qaşığı duz
Hazırlanması:
Təzə lobyanı təmizləyirik, uzunlamasına bölüb, doğrayırıq. Qazanda su qaynadıb içinə 1 çay qaşığı şəkər tozu atırıq (şəkər tozu lobya qaynadılarkən onun yaşıl qalmasını təmin edir).
Təmizləyib yuduğumuz lobyanı yaxşıca yumşalana qədər qaynadırıq. Bibərləri təmizləyib şəkildəki kimi doğrayırıq.
Pomidorları da soyub xırda doğrayırıq, üzərinə sarımsaqları da doğrayıb əlavə edirik.
Tavaya yağə əlavə edib qızdırırıq. Bibərləri qızardıb tavadan götürürük.
Eyni yağda sarımsağı, doğradığımız pomidorları da qızardırıq.
Qaynadıb süzdüyümüz təzə lobyanı servis edəcəyimiz qaba qoyuruq.
Üzərinə qızartdığımız bibərləri düzürük.
Dərin bir kasada 2 su stəkanına qədər qatığı 1 çay qaşığı duzla qarışdırıb lobya və bibərlərin üzərinə yayırıq (qatığı bərk, yəni qatı olan yerindən istifadə edin ki, yeməyimizin üzərində sulanmasın).
Üstünə qızartdığımız pomidorları da yayırıq.
Pomidorlar sulu qalarsa, bir az suyunu süzün, yeməyiniz çox sulanmasın.
Nuş olsun.
(Tərcümə edilib)