Qiymə - 600 qr
Yumurta - 1 ədəd
Göbələk - 4 ədəd
Baş soğan - 1 ədəd
Quru çörək - 2-3 ədəd
Süd - 100 ml
Duz , istiot
"Wellington" kərə yağı - 1 x.q
Cəfəri - 0,5 dəstə
Holland pendiri - 75 q
Xama - 1 st
İlk əvvəl quru çörəyi süddə və ya suda isladırıq. Daha sonra ət çəkilir və çəkilmiş ətə xırda doğranmış cəfəri, isladılmış çörək , yumurta, duz və istiot vurub qarışdırılır və küftə şəklində yumrulanır. Sonra göbələklər yuyulur, 4 künc doğranır və xırda doğranılmış soğanla yağda qovrulur.
Ətlərin içində stəkanın altı ilə yuva açılır, şəkildə göründüyü kimi və hazırlanmış göbələkli içliyi yuvanın içərisinə qoyuruq.
180 dərəcə isidilmiş sobada 30 dəq bişməyə qoyuruq .
Sobadan yuvaları çıxarıb, üzərinə sürtkəcdən keçirilmiş holland pendirini tökürük və pendirlər əriyənə qədər sobada saxlayırıq.
Və yuvalarımız hazırdır, süfrəyə verəndə yanında qarnir kimi süzülmüş düyü və ya kartof püresi də vermək olar.
Nuş olsun.