Lazım olanlar:
1 ədəd toyuq (döş ətini ayırırıq)
500 qr. qarabaşaq
3 baş soğan
1 dəstə keşniş
1 dəstə cəfəri
Duru yağ
Duz, istiot (zövqə görə)
Hazırlanması:
Toyuğu yuyub tikələrə ayırırıq. Duz, istiot vurub bir az su əlavə edib bişməyə qoyuruq, çox bişirmirik.
Bişdikdan sonra bir az yağda qovururuq.
Sonra soğanı xırda-xırda doğrayırıq, əlavə edib qovururuq (çox qızartmırıq).
Soğan da qovrulduqdan sonra keşniş və cəfərini doğrayıb əlavə edirik.
Qarabaşağı qaba töküb yaxşıca təmizləyirik, yumadan ayrı bir qabda qarabaşağı bir az yağla qovururuq.
Qovrulduqdan sonra onu aşsüzənə tökürük, üzərinə isti su əlavə edərək yaxşıca yuyuruq.
Yuduqdan sonra qarabaşağı toyuğun üzərinə əlavə edirik.
Təxminən 2 stəkan su və duz əlavə edib bişməyə qoyuruq.
Budur, yeməyimiz hazırdır.
Nuş olsun!